PRINT

முல்லைத்தீவு மாவட்டம் கொக்கிளாய் நாயாற்று பாலத்தில் இருந்து கோம்பா சந்தி வரையான சுமார் 4 கிலோ மீற்றர் நீளமான பகுதியை கையகப்படுத்த தொல்பொருள் திணைக்களம் நடவடிக்கை எடுத்து வருவதாக அந்த பகுதி மக்கள் விசனம் தெரிவித்துள்ளனர்.

தொல்பொருள் திணைக்களத்திற்குரிய காணியென அடையாளப்படுத்தும் நடுகல் நேற்று முன்தினம் அங்கு நடப்பட்டுள்ளது.
முல்லைத்தீவு மாவட்டத்தில் தென்னிலங்கை மீனவர்கள் அத்துமீறி தொழில் நடவடிக்கையில் ஈடுபட்டுளார்கள். இதே சாக்கில், அங்கு வாடியமைத்து பெருமளவு நிலங்களை அபகரித்து வருகிறார்கள். மறுபுறம் மகாவலி எல் வலயம் என்ற திட்டத்தின் பெயரில் தமிழர்களின் பாரம்பரிய வளம்கொழிக்கும் நிலங்கள் சூறையாடப்பட்டு வருகின்றன. இது போதாதென, வனவிளங்கு திணைக்களத்தினர் இன்னொரு முனையில்- மக்களின் காணிகளைகூட தமது திணைக்களத்திற்கு சொந்தமானதென அடையாளப்படுத்தி மக்களின் தலையில் இடியை இறக்கி வருகிறார்கள்.

முல்லைத்தீவு மாவட்டத்தை அபகரிப்பதில் மிக நூதனமாக திட்டமிட்டு, எல்லா வழிகளிலும் அரச இயந்திரம் செயற்பட்டு வரும் நிலையில், இப்பொழுது புதிதாக தொல்பொருள் திணைக்களமும் தமது கைவரிசையை ஆரம்பித்துள்ளது.
நாயாற்று சந்தியில் இருந்து கோம்பா சந்தி வரையான சுமார் 4 கிலோமீற்றர் பிரதேசத்தில் தனியாருக்கு சொந்தமான பெருமளவு காணிகள் உள்ளன. அவற்றையும் அபகரிக்கும் விதத்திலேயே தொல்பொருள் திணைக்களம் நடுகல் நாட்டியுள்ளது.

அத்துடன் நாயாற்றிலுள்ள விகாராதிபதி தங்கியுள்ள வீட்டிலேயே தொல்பொருள் திணைக்களம் இயங்குகிறது. அந்த வீட்டிலேயே தொல்பொருள் திணைக்களத்தின் பெயர் பலகையும் மாட்டிவைக்கப்பட்டுள்ளது.

PRINT

2009ம் ஆண்டு இறுதி யுத்தத்தில் இலங்கை அரச படைகளிடம் சரணடைந்தவா்கள் குறித்த விபரங்களை வழங்குமாறு தம்மிடம் கேட்டால் அதனை எழுத்து மூலம் வழங்க தாம் தயாராக உள்ளதாக காணாமல்போனவா்கள் அலுவலக தலைவா் சாலிய பீரிஸ் கூறியுள்ளார்.

முல்லைத்தீவு மாவட்டத்திற்கு இன்று விஜயம் மேற்கொண்ட காணாமல்போனவர்கள் அலுவலகம் 2ம் கட்ட செயற்பாடுகளை மேற்கொண்டிருந்தது.
இதனை எதிர்த்து முல்லைத்தீவு மாவட்டத்தில் உள்ள காணாமல் ஆக்கப்பட்டவர்களின் உறவினர்கள் போராட்டம் நடத்தியதுடன், 2009ம் ஆண்டு போரின் இறுதியில் இலங்கை அரச படைகளிடம் சரணடைந்தவர்களின் பெயர் பட்டியலை வெளியிடுமாறும், அதற்கு பின்னர் சாட்சியமளிக்க தாம் தயார் எனவும் கூறியிருக்கின்றனர்.

காணாமல் ஆக்கப்பட்டவர்களின் உறவினர்களுடைய மேற்படி கூற்று தொடர்பாக பதிலளிக்கும் போதே சாலிய பீரிஸ் மேற்கண்டவாறு கூறியுள்ளார். இது தொடர்பாக மேலும் அவர் கூறுகையில், காணாமல்போனவர்களுடைய உறவினர்களின் உணர்வுகளை நான் நன்றாக புரிந்து கொள்கிறேன்.

அதேபோல் காணாமல்போனவர்களை கண்டறியலாம் எனவும் நம்பிக்கை வெளியிட்டார். மேலும் கடந்த காலங்களில் இடம்பெற்ற காணாமல்போனவர்கள் தொடர்பான ஆணைக்குழுக்களைபோல் அல்லாது காணாமல் போனவர்கள் அலுவலகம் அமையாது. அதனை மக்கள் நம்பவேண்டும் எனவும் கேட்டுக் கொண்டார்.

PRINT

மானிப்பாய் பொலிஸ் பிரிவில் வீடொன்றுக்குள் இன்று அதிகாலை புகுந்த கொள்ளைக் கும்பல், அங்கு வாழ்ந்த வயோதிபத் தம்பதியரைத் தாக்கிவிட்டு 8 பவுண் தங்க நகைகள் உள்பட பெறுமதியான பொருள்களை கொள்ளையிட்டுச் சென்றுள்ளது எனப் பொலிஸார் தெரிவித்தனர்.

இந்தச் சம்பவம் மானிப்பாய் ஆனந்தா வீதியில் இன்று அதிகாலை 3 மணியளவில் இடம்பெற்றது.

கொள்ளையர்களின் தாக்குதலில் தலையில் காயமடைந்த குருநாதர் இரட்ணம் (வயது -69) என்ற வயோதிப மாது யாழ். போதனா வைத்தியசாலையில் சேர்க்கப்பட்டுள்ளார்.

சம்பவம் தொடர்பில் மானிப்பாய் பொலிஸாருக்கு அறிவிக்கப்பட்டது. சம்பவ இடத்துக்குச் சென்ற பொலிஸார், தடயவியல் பொலிஸாருடன் விசாரணைகளை முன்னெடுத்தள்ளனர்.

விசாரணைகளின் பின்னரே கொள்ளையிடப்பட்ட பொருள்கள் தொடர்பில் சரியான தகவலை வழங்க முடியும் என்று பொலிஸார் கூறினர்.

PRINT

வடமராட்சி கிழக்கில் தென்னிலங்கை மீனவர்களால் மேற்கொள்ளப்பட்டுவரும் கடலட்டை தொழிலை உடன் நிறுத்த வேண்டும் என வலியுறுத்தி உள்ளூர் மீனவர்களால் இன்று தீர்மானம் இன்று நிறைவேற்றப்பட்டது.

வடமராட்சி கிழக்கு மருதங்கேணி பகுதிகளில் தெடர்ச்சியாக வெளி மாவட்ட மீனவர்கள் மேற்கொண்டுவரும் கடலட்டை தொழிலால் உள்ளூர் மீனவர்கள் பாதிக்கப்படுவதாக தெரிவிக்கப்பட்டு வந்த நிலையில் இன்று இந்த தீர்மனம் நிறைவேற்றப்பட்டது.

இந்த விடயம் தொடர்பில் ஆராயும் சிறப்புக் கலந்துரையாடல் மருதங்கேணி பிரதேச செயலகத்தில் இன்று நாடாளுமன்ற உறுப்பினர் எம்.ஏ.சுமந்திரன் தலைமையில் இடம்பெற்றது.

கடலட்டை தொழிலை மேற்கொள்ள கடற்றொழில் நீரியல் வள திணைக்களத்தினரால் வழங்கப்பட்ட அனுமதியை இரத்து செய்வேண்டும் என்றும் கடலட்டை தொழிலை அந்தப் பகுதியில் முழுமையாக தடை செய்ய வேண்டும் என்றும் உள்ளூர் மீனவர்களினால் இங்கு தெரிவிக்கப்பட்டதற்கு அமைவாக இந்தத் தீரமானம் ஏகமனதாக நிறைவேற்றப்பட்டது.

இதற்கமைவாக நீரியல் வழத்திணைக்களத்தினர் நடவடிக்கை எடுக்க வேண்டும் என கூட்டத்தில் வலியுறுத்தப்பட்டதுடன் இந்த நடவடிக்கை தொடர்ந்தால் எதிர்வரும் நாள்களில் போராட்டங்களை தாம் முன்னெடுக்கப்போவதாகவும் உள்ளூர் மீனவர்கள் இன்றைய கூட்டத்தில் தெரிவித்தனர்.

வடமாகாணசபை உறுப்பினர்களான எம்.கே.சிவாஜிலிங்கம்,எஸ்.சுகிர்தன் உள்ளிட்டவர்களும் இந்தக் கூட்டத்தில் கலந்துகொண்டனர்

PRINT

வவுனியாவில் நேற்றுமுன்தினம் வியாழக்கிழமை அதிகாலை கும்பல் ஒன்றால் கடத்தப்பட்ட 8 மாதக் குழந்தை புதுக்குடியிருப்பில் மீட்கப்பட்டுள்ளதாக பொலிஸார் தெரிவித்தனர்.

அந்தக் குழந்தையை மறைத்து வைத்திருந்தனர் என்ற குற்றச்சாட்டில் பெண்கள் இருவர் கைது செய்யப்பட்டனர் என்றும் பொலிஸார் கூறினர்.

வவுனியா குட்செட் வீதி 1ம் ஒழுங்கையில் உள்ள வீடொன்றினுள் கடந்த வியாழக்கிழமை அதிகாலை 2 மணியளவில் புகுந்த மர்ம கும்பல் தாயின் அரவணைப்பிலிருந்த 8 மாத ஆண் குழந்தையொன்றை கடத்தி சென்றுள்ளனர்.

வெள்ளை வான் ஒன்றில் வந்த ஆறு பேர் கொண்ட கும்பலே குழந்தையை கடத்தி சென்றது.

குழந்தையின் தந்தை வெளிநாடு ஒன்றில் வசித்து வருவதாகவும் தாயிற்கும் தந்தைக்கும் இடையில் கருத்து முரண்பாடுகள் இருப்பதாகவும் இருவரும் பிரிந்து வாழ்வதுடன் தந்தை குழந்தையை கடத்துவதாக எச்சரிக்கை விடுத்திருந்தார் என குழந்தையின் தாயார் விசாரணையில் தெரிவித்திருந்தார்.

விரைவாக செயற்பட்ட பொலிஸார் மோப்ப நாய் கொண்டு தேடுதலையும் விசாரணைகளை முன்னெடுத்திருந்தனர்.

இந்த நிலையில் குழந்தை இன்று புதுக்குடியிருப்புப் பகுதியிலுள்ள வீடொன்றில் வைத்து மீட்கப்பட்டுள்ளது.

PRINT

பயங்கரவாத தடைச்சட்டம் என்பதே பயங்கரவாதம். அரச பயங்கரவாத்தை மறைக்கவே பயங்கரவாத தடைச்சட்டம் உருவாக்கப்பட்டது. அதனை கொண்டு வந்தவர்கள் பயங்கரவாதிகள்.என அரசியல் கைதிகளை விடுதலை செய்வதற்கான தேசிய அமைப்பின் செயற்பாட்டாளர் அருட்தந்தை மா. சக்திவேல் தெரிவித்தார். 

PRINT

யமுனா ஏரியை சுற்றி பாதுகாப்பு வேலி அமைக்குமாறு யமுனா ஏரிக்கு அருகில் வசிக்கும் மக்கள் கோரிக்கை விடுத்துள்ளனர்.

நல்லூர் பகுதியில் அமைந்துள்ள புராதன வரலாற்று ஏரியான யமுனா ஏரி தற்போது  தொல்லியல் திணைக்களத்தின் கீழ் உள்ளது.

குறித்த ஏரியை சுற்றிய பாதுகாப்பு வேலிகள் இல்லாமையால் கடந்த சில தினங்களுக்குள் இருவர் ஏரிக்குள் இருந்து சடலமாக மீட்கப்பட்டு உள்ளனர்.

அத்துடன் அயலவர்களின் வளர்ப்பு பிராணிகள் மிருகங்கள் என்பன கூட ஏரியை சுற்றி பாதுகாப்பு வேலிகள் இல்லாமையால் தவறி விழுந்து உயிரிழக்கின்றன.

எனவே ஏரியை சுற்றி பாதுகாப்பு வேலியை அமைத்து தருமாறு அயலவர்கள் கோரியுள்ளனர்.  ஏரி தொல்லியல் திணைக்களத்தின் கீழ் வருவதனால் , அதனை சுற்றி அயலவர்களான தாம் வேலி அமைத்தால் அது தண்டனைக்கு உரிய குற்றம் என்பதனால் எம்மால் வேலி அடைக்க முடியவில்லை என தெரிவித்தனர்.

PRINT

யாழில்.உள்ள இந்திய துணைத்தூதரகம் முன்பாக போராட்டத்தில் ஈடுபட்டவர்களை யாழ். பொலிசார் மற்றும் இந்திய துணைத்தூதரக பாதகாப்பு உத்தியோகஸ்தர்கள் மற்றும் அங்கு கடமையாற்றும் அதிகாரிகள் புகைப்படங்கள் மற்றும் காணொளிகளை எடுத்தனர்.

PRINT

யாழ்ப்பாணம் உள்ளிட்ட 12 மாவட்டங்கள் டெங்கு நோய்த் தொற்று ஆபத்து அதி உச்சமாக உள்ள மாவட்டங்கள் என இலங்கை நோய்தொற்றியல் பிரிவு அறிவித்துள்ளது.

இதுதொடர்பில் நோய்த்தொற்றியல் பிரிவு வெளியிட்டுள்ள அறிக்கையில் தெரிவிக்கப்பட்டுள்ளதாவது:

யாழ்ப்பாணம்இ திருகோணமலைஇ கொழும்புஇ மட்டக்களப்புஇ கம்பஹாஇ மாத்தறைஇ இரத்தினபுரிஇ கண்டிஇ கேகாலைஇ காலிஇ களுத்துறை மற்றும் குருணாகல் ஆகிய 12 மாவட்டங்களில் டெங்கு நோய்த் தொற்று ஆபத்து அதி உச்சம் கொண்ட மாவட்டங்களாக 2016இ 2017 மற்றும் 2018 முதல் 5 மாதங்களின் புள்ளிவிபரங்களின் மூலம் அட்டவணைப்படுத்தப்பட்டுள்ளன.

அம்பாந்தோட்டைஇ புத்தளம்இ பதுளைஇ கல்முனைஇ அநுராதபுரம் மொனாரகலஇ பொலன்நறுவை மற்றும் மாத்தளை ஆகிய மாவட்டங்கள் டெங்கு நோய்த் தொற்று ஆபத்து உச்சமாக உள்ள மாவட்டங்களாக உள்ளன.

கிளிநொச்சி> முல்லைத்தீவு> மன்னார்> அம்பாறை> வவுனியா மற்றும் நுவரேலியா ஆகிய மாவட்டங்கள் டெங்கு தொற்று சராசரியாக காணப்படும் மாவட்டங்களாக உள்ளன.
2017ஆம் ஆண்டைவிட 2018ஆம் ஆண்டு முதல் 5 மாதங்களிலும் டெங்கு நோயால் பாதிக்கப்பட்டவர்களின் எண்ணிக்கை குறைவாகவே உள்ளது – என்றுள்ளது.

PRINT

யாழ்ப்பாணம் ஜமுனா எரிக்குள் இருந்து இளைஞன் ஒருவர் சடலமாக மீட்கப்பட்டுள்ளார்.

கோவில் வீதி நல்லூரை சேர்ந்த 27 வயதான மருதமுத்து கோவிந்தன் என்பவரே இவ்வாறு சடலமாக மீட்கப்பட்டுள்ளார்.

சித்த சுவாதீனமற்றவராக காணப்பட்ட இவர் நேற்று முன் தினம் வீட்டில் இருந்து காணாமல் போன நிலையிலேயே இவ்வாறு சடலமாக மீட்கப்பட்டுள்ளார்.

இச் சம்பவம் தொடர்பான மேலதிக விசாரணைகளை யாழ்.பொலிஸார் மேற்கொண்டு வருகின்றனர்.

PRINT

வட மாகாணசபை உறுப்பினர்கள் குற்றசாட்டு