PRINT

யாழ். சுன்னாகத்தில் இயங்கி வரும் உடுவில் அரச கால்நடை வைத்திய அலுவலகத்திற்குச் சிகிச்சைக்காகக் கொண்டுவரப்பட்ட பூனையொன்றினால் இன்று புதன்கிழமை(06) முற்பகல் களேபரம் ஏற்பட்டுள்ளது.
குறித்த சம்பவம் தொடர்பாக மேலும் தெரியவருவதாவது,

உடுவில் அரச கால்நடை வைத்திய அலுவலகம் இன்று(06) காலை முதல் வழமை போன்று சுறுசுறுப்பாக இயங்கிக் கொண்டிருந்தது. இந்நிலையில் முற்பகல் -10.30 மணியளவில் உடுவில் பகுதியிலிருந்து கால்நடை வைத்திய அலுவலகத்துக்குப் பூனையொன்று சிகிச்சைக்காகக் கொண்டு வரப்பட்டுள்ளது.

கூடையொன்றுக்குள் அடைத்துப் பாதுகாப்பான முறையில் பூனையைக் கொண்டு வந்த குடும்பப் பெண்மணி கால்நடை வைத்தியர் முன்னிலையில் பூனையை எடுத்து விட முற்பட்டுள்ளார்.

இதன்போது சற்றும் எதிர்பாராத வகையில் குறித்த பூனை அங்கிருந்து சடுதியாக ஓட்டம் பிடித்தது. பூனையைக் கொண்டு வந்த பெண்மணி பூனையைத் தேடி ஓட்டம் பிடிக்கவே அங்கு ஒருவித பரபரப்பு ஏற்பட்டது. குறித்த பெண்மணியுடன் இணைந்து அங்கு நின்ற வேறு பலரும் பூனையை வைத்திய அலுவலக வளாகத்தில் தேடியுள்ளனர்.

வைத்திய அலுவலகத்தில் கால்நடைக்குச் சிகிச்சை பெறும் நோக்குடன் வந்த இன்னொரு பெண்மணி குறித்த பூனை வைத்திய அலுவலகத்தின் மதில் பாய்ந்து வெளியே சென்றுள்ளதைக் கண்டுள்ளதாகத் தெரிவித்துள்ளார். இந்நிலையில் வைத்திய அலுவலகச் சுற்றுச் சூழலில் குறித்த பூனையை வலைவீசித் தேடிய போதும் குறித்த பூனை இறுதிவரை அகப்படவேயில்லை.

இந்நிலையில் பூனையைச் சிகிச்சைக்காகக் கொண்டுவந்த பெண்மணி ஓட்டம் பிடித்த பூனை இல்லாமல் தன்னால் வீடு செல்ல முடியாது எனக் கவலையுடன் தெரிவைத்துள்ளார்.

இதற்கான காரணம் தொடர்பில் அவரிடம் வினாவிய போது அவர் தெரிவித்த கருத்துக்கள் தான் என் மனதைத் தொட்டது.

குறித்த பூனையை யாழ்ப்பாணத்திலுள்ள பிரபல கல்லூரியொன்றின் ஓய்வுநிலை ஆசிரியையொருவர் கடந்த ஒரு வருட காலமாக மிகுந்த செல்லத்துடன் வளர்த்து வருகிறார்.மேற்படி ஆசிரியை திருமணம் செய்து கொள்ளாத காரணத்தால் அவருக்குப் பிள்ளைகள் யாருமில்லை. இதுவே அவர் இந்தப் பூனை மீது அதிக பாசம் வைப்பதற்குக் காரணமாகும்.

மேற்படி ஆசிரியை தனது மாதாந்த ஓய்வூதியச் சம்பளத்தில் பெரும் பகுதியைக் குறித்த பூனை வளர்ப்புக்குச் செலவிடுகிறார். இந்நிலையில் கடந்த நான்கு நாட்களாகப் பூனைக்கு ஏற்பட்ட ஒருவித நோய்த் தாக்கம் காரணமாக கடந்த நான்கு நாட்களாகப் பூனை உணவுப் பொருட்கள் எதுவும் உண்ணவில்லை.

இதனால் மனமுடைந்த ஓய்வுநிலை ஆசிரியை தானும் உரிய வேளைகளில் உணவுண்ணாமல் அடிக்கடி அழுதவாறும்,கவலைப்பட்டுக் கொண்டிருந்ததாகவும் தெரிவிக்கப்படுகிறது.

இவ்வாறான நிலையில் தான் குறித்த ஓய்வுநிலை ஆசிரியையின் மச்சாள் முறையான பெண்மணி உடுவில் பகுதியிலிருந்து முச்சக்கர வண்டியொன்றை வாடகைக்கு அமர்த்திக் குறித்த பூனையை சிகிச்சைக்காகக் கொண்டு வந்திருந்தமை இங்கு குறிப்பிடத்தக்கது.

PRINT

தன்னையொரு கிராம சேவகர் எனவும், சமாதான நீதவான் எனவும் அடையாளப்படுத்திப் பொதுமக்களை ஏமாற்ற முயன்ற நபரொருவர் பொதுமக்களால் பிடிக்கப்பட்டு யாழ்ப்பாணம் பொலிஸாரிடம் ஒப்படைக்கப்பட்டுள்ளார்.

குறித்த சம்பவம் யாழ். மாவட்டச் செயலகத்திற்கு அருகில் இன்று புதன்கிழமை(06) பிற்பகல் இடம்பெற்றுள்ளது.

குறித்த இரு பதவிகளையும் கூறிப் பொதுமக்களை ஏமாற்றுவதற்கு இந்த நபர் முற்பட்டுள்ளார். இந்நிலையில் குறித்த நபர் மீது சந்தேகம் கொண்ட சிலர் கையும் மெய்யுமாகப் பிடித்து யாழ்ப்பாணம் பொலிஸாரிடம் ஒப்படைத்தனர்.

யாழ். கல்வியங்காட்டுப் பகுதியைச் சேர்ந்த 45 வயதுடைய நபரொருவரே இவ்வாறு கைது செய்யப்பட்டுள்ளார்.

கைதான சந்தேகநபரைத் தடுத்துவைத்துப் பொலிஸார் விசாரணைகள் விசாரணைகள் மேற்கொண்டு வருகின்றனர்.

PRINT

மஸ்கெலியா மொட்டிங்கொம் தோட்டத்தில் உள்ள வீடு ஒன்றில் வசித்து வந்த நான்கரை வயது சிறுவன் சொக்லெட் என நினைத்து மருந்து வில்லைகளை உட்கொண்டதால் அந்தச் சிறுவன் உயிரிழந்தான் என பொலிஸார் தெரிவித்தனர்.

இந்த சம்பவம் நேற்று (5) இரவு 10 மணி அளவில் இடம்பெற்றது.

சம்பவத்தில் ஸ்ரீ மனோகரன் மர்வின் என்ற சிறுவனே உயிரழந்தார்.

“மஸ்கெலியா மொட்டிங்கொம் தோட்டத்தில் உள்ள வீடு ஒன்றில் சிறுவனின் தந்தை வர்த்தக நிலையம் ஒன்றுக்கு சென்று வீடு திரும்பிய போது, தான் கொண்டு வந்த பையில் சொக்லெட் வகைகள் உள்ளதாகவும் அதனை எடுத்து சாப்பிடுமாறும் தனது மகனுக்கு கூறியுள்ளார்.

சிறுவன் தனது தந்தை கொண்டு வந்த பையினுள் சொக்லெட்டுக்களை தேடும் பொழுது சிறுவனது கையில் மருந்துவில்லைகள் காட் ஒன்றே கிடைத்துள்ளது. அந்த மருந்து வில்லைகளை சொக்லெட் என நினைத்து சிறுவன் உட்கொண்டுள்ளான்.

இதனை அறிந்து கொண்ட வீட்டார் சிறுவனை வைத்தியசாலைக்கு கொண்டு சென்ற போது, மஸ்கெலியா வைத்தியசாலையில் இருந்து கிளங்கன் வைத்தியசாலைக்கு மாற்றபட்டு பின்னர், கிளங்கன் வைத்தியசாலையில் இருந்து கண்டி மாவட்ட வைத்தியசாலைக்கு கொண்டு சென்ற வேளையிலேயே சிறுவன் உயிரிழந்தான்” என்று பொலிஸார் மேலும் தெரிவித்தனர்.

PRINT

க. பொ. த. சாதாரண தரப் பரீட்சையில் சுகாதார பாடத்தை கட்டாயமாக்குவதற்கு அமைச்சரவை ஒப்புதல் வழங்கியுள்ளது.

சுகாதாரம் தொடர்பில் மாணவர்கள் மத்தியில் விழிப்பை ஏற்படுத்தும் வகையில் தரம் 6இல் இருந்து தரம் 9வரை கட்டாய பாடமாக சுகாதாரம் உள்ளது. 2023ஆம் ஆண்டு தொடக்கம் க.பொ.த. சாதாராண தரப் பரீட்சையில் சுகாதாரம் கட்டாயமாக்கப்பட்டுள்ளது.

கல்வீ மறுசீரமைப்புக் குழு முன்வைத்த யோசனைக்கு அமைவாக சுகாதார அமைச்சர் ராஜித சேனாரட்ணவால் முன்வைக்கப்பட்ட ஆவணத்துக்கு அமைச்சரவை ஒப்புதல் வழங்கியுள்ளது.

இதுதொடர்பில் சுகாதார அமைச்சின் அறிக்கையில் தெரிவிக்கப்பட்டுள்ளதாவது:
இலங்கையில் ஆண்டு தோறும் இடம்பெறும் உயிரிழப்புகளில் சுமார் 75 சதவீதமானவை தொற்றாநோயின் காரணமாக ஏற்படுவதாக புதிய புள்ளிவிவர அறிக்கையில் சுட்டிக்காட்டப்பட்டுள்ளது.

72.5 சதவீதமான மக்கள் காய்கறி மற்றும் பழவகைகளை போதுமான அளவு உணவில் சேர்த்துக்கொள்வதில்லை என்றும் பெண்களில் சுமார் 44 சதவீதமானோர் உடற்பயிற்சியில் ஈடுபடுவதில்லை என்பதும் தெரியவந்துள்ளது.
சுகாதாரம் தொடர்பான சரியான அறிவின்மையே இதற்கான மிக முக்கிய காரணமாகும். இந்த நிலமையை தவிர்க்கும் வகையில் சுகாதார வாழ்க்கை முறையைக் கொண்ட நாடாக முன்னெடுப்பதற்கு சுகாதாரம் தொடர்பில் சரியான தெரிவு இருப்பது அவசியமாகும்.

இதனால் சுகாதாரம் தொடர்பில் மக்கள் மத்தியில் அறிவுறுத்துவது அத்தியாவசிய ஒன்றாக மாறியுள்ளது.
இதற்காக தற்பொழுது பாடசாலை கற்கைநெறி பரிந்துரைகளில் தரம் ஆறிலிருந்து தரம் 9 வரையில் மாத்திரம் சுகாதார பாடத்தினை கட்டாயக் கற்கைநெறியாக கற்பிக்கப்படவுள்ளதுடன் இப்பாடம் கல்விப் பொதுத் தராதர சாதாரண தரப்பரீட்சையில் கட்டாயமாகக் கொள்ளப்பட மாட்டாது.

அதனடிப்படையில், சுகாதார பாடத்தை க.பொ.த. சாதாரண தர பரீட்சை விடய பரப்பில் கட்டாய பாடமாக மாற்ற வேண்டும் என்று சுகாதாரம், போசனை மற்றும் சுதேச மருத்துவ அமைச்சர் மருத்துவர் ராஜித சேனாரத்ன முன்வைத்த யோசனைகளை 2023ஆம் ஆண்டில் மேற்கொள்ளப்பட உள்ள பாடத்திட்ட சீர்த்திருத்தின் போது இணைத்துக் கொள்ளப்பட வேண்டும் என கல்வி மறுசீரமைப்புக்கான அறிஞர் குழுவினால் முன்வைக்கப்பட்டுள்ள சிபார்சுகளையும் கவனத்திற் கொண்டு, பாடசாலை பாடப்பரப்பு திருத்தங்கள் தொடர்பான கொள்கை ரீதியான தீர்மானங்களை எடுக்கும் அதிகாரத்தினை கொண்ட தேசிய கல்வி ஆணைக்குழுவின் சிபார்களையும் பெற்றுக் கொண்டதன் பின்னர் இதனை நடைமுறைப்படுத்துவதற்கு அமைச்சரவை ஒப்புதல் வழங்கியுள்ளது.

PRINT

தமிழ் மொழியில் எழுதப்படவில்லையா, தமிழ் மொழியில் தவறாக எழுதப்பட்டுள்ளதா? அவை தொடர்பில் அறிவிக்குமாறு அரச கரும மொழிகள் அமைச்சு அறிவித்துள்ளது.

தேசிய ஒருமைப்பாடு, நல்லிணக்கம் மற்றும் அரச கரும மொழிகள் அமைச்சர் மனோ கணேசனின் ஆலோசனைக்கு அமைய இந்த செயற்றிட்டம் முன்னெடுக்கப்படுகிறது என அமைச்சு சுட்டிக்காட்டியுள்ளது.

தமிழ் மக்கள் தமது மொழி தொடர்பில் இழைக்கப்படும் தவறுகளை பின்வரும் சமூக ஊடகங்கள் ஊடாக அறிவிக்க முடியும் என அரச கரும மொழிகள் அமைச்சு குறிப்பிட்டுள்ளது.

தொலைபேசியில் 1956 என்ற துரித இலக்கத்துக்கும் வைபர், வட்சப் மற்றும் இமோ அகிய சமூக ஊடகங்களில் 0714854734 என்ற இலக்கத்துக்கும் அறிவிக்க முடியும்.

PRINT

தென்மராட்சி வரணி வடக்கில் உள்ள ஆலயம் ஒன்றில் ஜேசிபி வாகனம் கொண்டு தேர் இழுத்த சம்பவம் சமூக ஊடகங்களில் வைரலாகப் பரவுகிறது.

சித்திரத் தேரில் சுவாமி வீற்றிருக்க ஜேசிபி வாகனம் தேரை இழுத்தாக தெரிவிக்கப்படுகிறது.

சமூகப் பிரச்சினையை மையமாக வைத்து இந்தச் சம்பவம் பலராலும் விமர்சிக்கப்படுகிறது.

யாழ்ப்பாணத்தில் முதன்முறையாக இவ்வாறானதொரு நிகழ்வு இடம்பெற்றுள்ளமை பலராலும் வியப்பாகப் பேசப்படுகிறது.

PRINT

பல்வேறு கோரிக்கைகளை முன்வைத்து கிழக்கு மாகாண வேலையற்ற பட்டதாரிகள் இன்று ஆளுநர்  செயலகத்திற்கு முன்பாக முற்றுகையிட்டனர்.

கடந்த ஏப்ரல் மாதம் நடைபெற்ற தொண்டராசிரியர் நேர்முகப் பரிட்சையில் தெரிவு செய்யப்பட்ட தொண்டராசிரியர்கள் பெயர்கள் வெளியிடப்பட்ட போதும்  அவர்களுக்கான நிரந்த நியமனம் இன்னும் வழங்கப்படவில்லை.

இந்நிலையில் கிழக்கு மாகாண பட்டதாரிகள் மற்றும் ஆசிரிய போட்டியில் சித்தியடைந்தவர்களுக்கு உடனடியாக நியமனம் வழங்கக் கோரியே திருகோணமலையில் அமைந்துள்ள ஆளுநர் செயலகத்திற்கு முன்னால்  ஆர்ப்பாட்டத்தில் ஈடுபட்டனர்.

PRINT

யாழ்.பல்கலைகழக மாணவர்கள் படுகொலை வழக்கின் சந்தேக நபர்களான ஐந்து பொலிசாரில் மூவர் வழக்கில் இருந்து முற்றாக விடுவிக்கப்படுவதற்கான சாத்தியங்கள் உண்டு என தகவல்கள் வெளியாகியுள்ளன. 

PRINT

யாழ்.சுன்னாகம் பகுதியில் காவலாளியை கத்தியை காட்டி மிரட்டி அவரிடம் இருந்த பணம் மற்றும் நகைகள் என்பவற்றை கொள்ளை கும்பல் ஒன்று கொள்ளையடித்துள்ளது. 

PRINT

வடக்கு மாகாண கல்வி அமைச்சர் கலாநிதி க.சர்வேஸ்வரன் அவர்களுக்கு பயங்கரவாத தடுப்புப்பிரிவு விசாரணைக்கு அழைப்பு விடுத்துள்ளது.

கடந்த ஆண்டு வவுனியா ஈரப்பெரிய குளம் பாடசாலையில் மாணவர்களுக்கு துவிச்சக்கர வண்டிகள் வழங்கும் நிகழ்வில் வடக்கு மாகாண கல்வி அமைச்சர் இலங்கை தேசியக் கொடியை ஏற்றாமை தொடர்பாக பயங்கரவாத தடுப்புப் பிரிவினால் விசாரணைக்கு அழைக்கப்பட்டுள்ளார்.

எதிர் வரும் 20 ஆம் திகதி இந்த விசாரணை கொழும்பில் உள்ள பயங்கரவாத தடுப்புப்பிரின் தலைமையகத்தில் இடம் பெறும் என்று தெரிவிக்கப்பட்டுள்ளது.

விசாரணைக்கான அழைப்பாணையை பயங்கரவாத தடுப்புப்பிரிவின் யாழ் பிராந்திய அதிகாரிகள் வடக்கு மாகாண கல்வி அமைச்சரை நேரில் சென்று அவரது அலுவலகத்தில் வைத்து வழங்கியுள்ளனர். அந்த அழைப்பாணையில் எதிர்வரும் 16 ஆம் திகதி விசாரணைக்கு அழைக்கப்பட்டுள்ள போதும் அன்றைய திகதியில் அமைச்சருக்கு வேறு வேலைகள் இருப்பதால் பிறிதொரு திகதியில் தனது முறைப்பாட்டை வழங்க முடியும் என அமைச்சர் சார்பில் தெரிவிக்கப்பட்டுள்ள நிலையில் விசாரணைக்கான திகதி மாற்றம் செய்யப்பட்டுள்ளது.

PRINT

சி.தவராசாவின் கருத்துக்கு பலர் மறுப்பு