உலகத் தமிழர் வரலாற்று வளாகமும், நாடு கடந்த தமிழீழ அரசாங்கமும் இணைந்து ஏற்பாடு செய்திருந்த நிதி திரட்டும் நோக்கிலான சிறப்பு விருந்துபசார ஒன்றுகூடல் நிகழ்வு, 2026 அக்டோபர் 18ஆம் திகதி ஞாயிற்றுக்கிழமை காலை 11 மணிக்கு பிரித்தானியாவின் ஒக்ஸ்போர்ட்டில் அமைந்துள்ள உலகத் தமிழர் வரலாற்று வளாகத்தில் நடைபெற்றது.
உலகத் தமிழர்களின் வரலாறு, பண்பாடு மற்றும் அடையாளங்களைப் பாதுகாத்து எதிர்காலத் தலைமுறைகளுக்குக் கொண்டு செல்லும் உயரிய நோக்கத்துடன் முன்னெடுக்கப்படும் இத்திட்டத்திற்கு ஆதரவு திரட்டும் வகையில் இந்நிகழ்வு ஏற்பாடு செய்யப்பட்டது.
இந்நிகழ்வின் ஒரு பகுதியாக, உலகத் தமிழர் வரலாற்றுச் சங்கத்தின் நிதி திரட்டும் பணியில் பங்கேற்று ஆதரவளித்த செயற்பாட்டாளர்களுக்கு அங்கீகாரச் சான்றிதழ்களும் வழங்கப்பட்டன.
தமிழர் வரலாற்றையும் மரபுரிமையையும் பாதுகாப்பதற்கான இத்தகைய முயற்சிகளில் புலம்பெயர் தமிழர்கள் ஒன்றிணைந்து பங்களிப்பது காலத்தின் தேவையாகும்.
“ஒன்றிணைந்து தமிழர் வரலாற்றையும் அடையாளத்தையும் பாதுகாப்போம்; எதிர்காலத் தலைமுறைக்கான வரலாற்றுச் சுவடுகளை உருவாக்குவோம்” என்ற உயரிய நோக்குடன் இம்முயற்சி முன்னெடுக்கப்படுவது குறிப்பிடத்தக்கது



